Njihuni me Martin Stojanovskin, një student alumni i Akademisë së Programimit Front-End, i cili filloi karrierën e tij si Web Developer në Panasonic Automotive Systems Czech Republic.

Biseduam për përvojën dhe punën e tij të re

Përshëndetje! Para së gjithash, urime për suksesin e arritur dhe fillimin e karrierës tënde! Ne në Akademinë e Programimit Front-End të njohim, por çfarë do të ndash për të tjerët?

Përshëndetje! Faleminderit për urimet tuaja! Unë jam Martini, jam 26 vjeç, mund të them se kam qenë një gamer për aq kohë sa di për veten time, dhe një person shumë kurioz dhe ambicioz. Dua të mësoj gjëra të reja çdo ditë dhe të ndërtoj mbi to, kështu që Brainster ishte vendi i përsosur për ta bërë atë. 

Pse programimi Front-End?

Siç thash, jam një gamer i apasionuar dhe sfidat e videolojërave ishin pjesë e jetës sime të përditshme para Akademisë, kështu që vendosa të kthej kohën dhe forcat drejt sfidave në botën e programimit. Vendosa për programimin Front-End pse lidh dy procese kyçe – dizajnin dhe Back-end kur krijoj një website, dhe krijimi i tij është një proces që më ka interesuar gjithmonë.

Na trego më shumë për Akademinë e Programimit Front-End.  A i ka përmbushur Akademia pritjet e tua?

Akademia jo vetëm që i përmbushi, por edhe i tejkaloi pritjet e mia. Më bëri veçanërisht përshtypje qasja e instruktorëve dhe organizimi i gjithë Akademisë. Instruktorët jo vetëm që na mësonin materialin, por edhe na motivonin vazhdimisht dhe na këshillonin të ishim këmbëngulës. Mendoj se motivimi është gjithashtu një faktor shumë i rëndësishëm  gjatë studimit.

Cila ishte përvoja jote si student? Cila ishte sfida më e madhe që hase dhe si e tejkalove? 

Meqë gjatë kohës që akademia po vazhdonte, kisha punë me kohë të plotë, në fillim kisha problemin më të madh me menaxhimin e kohës, por me këmbëngulje, mbështetje dhe këshilla të vazhdueshme nga instruktorët dhe kolegët e akademisë, problemet u zhdukën.

Cili modul ishte më interesanti dhe pse?

Definitivisht React – një modul që ishte shumë sfidues dhe argëtues në të njëjtën kohë. React ishte zbatimi i gjithçkaje që mësuam deri atëherë në një mënyrë të re, të ndryshme. Pjesa më interesante ishte se ku mblidheshim me kolegët tanë në Grupin e Akademisë (Gocee, Marjan dhe Todor) në Diskord çdo ditë dhe i tejkalonim sfidat e vendosura. Do ta shfrytëzoja këtë rast për t’i falënderuar publikisht.

Menjëherë pas përfundimit të Akademisë së Programimit Front-End, ti ke filluar të ndërtosh karrierën tënde si Web Developer në kompaninë Panasonic Automotive Systems Czech Republic. Cili ishte procesi për të ardhur deri këtu?

Procesi i punësimit ishte pak i komplikuar sepse kompania përdor Vue.js në vend të React.js, të cilën ne e studiojmë, kështu që detyra ime e parë ishte të zhvilloja një projekt në Vue.js.

Projekti konfirmoi fjalët e instruktorëve të akademisë se nëse mësojmë dhe kuptojmë React.js, procesi i studimit të Vue.js do të jetë shumë i lehtë në të ardhmen. Pas tejkalimit të sfidave të studimit të një kuadri të ri dhe zhvillimit të projektit me sukses që duhej ta përfundoja në një periudhë të caktuar kohore – fillova punën.

Çfarë pritet prej teje në vendin e punës si programues i ri? Cilat do të ishin detyrat e tua?

Ashtu si çdo programues i ri, pritet të jetë vazhdimisht në përputhje me kohën, duke përdorur njohuritë që ka fituar, por edhe duke e përmirësuar vazhdimisht atë, dhe mjedisi i punës më lejon ta bëj këtë. Aktualisht jam web developer i vetëm në ekip dhe jam i ngarkuar me zhvillimin dhe mirëmbajtjen e front-end  të aplikacioneve të web-it. Pozita gjithashtu lejon zgjerimin e njohurive drejt back-end, por unë tani jam plotësisht i fokusuar në front-end.

Së fundmi, çfarë do t’u rekomandoje të gjithë atyre që duan të bëjnë një ndryshim në karrierë në fushën e programimit Front-End?

Don’t overthink your decision. Vendimi për t’u regjistruar në Brainster është hapi i parë drejt ndryshimit të karrierës suaj. Në akademi do t’i fitoni të gjitha njohuritë dhe aftësitë e nevojshme që do t’ju mundësojnë të rriteni dhe të zhvillheni profesionalisht, si dhe të arrini qëllimet tuaja.

Nëse dëshironi të jeni pjesë e komunitetit Coding dhe të ndërtoni histori të reja suksesi me ne, zbuloni më shumë rreth Akademisë së Programimit Front-end.

Në Akademinë e programimit Front-End mësojmë nëpërmjet projekteve reale për klientë të vërtetë, nën mentorimin e instruktorëve me përvojë të dëshmuar.

Cakto një takim me ekipin tonë të pranimit të studentëve për më shumë udhëzime dhe hollësi rreth programit!