Njihuni me Ester Kaziaj – studente në akademinë tonë të programimit Front-End në Brainster Albania. 

Përshëndetje Ester! A mund të prezantoni veten për lexuesit tanë?

Përshëndetje! Unë quhem Ester Kaziaj, studente në Fakultetin e Shkencave Të Natyrës në degën Bachelor Teknologji Informacioni dhe Komunikimi në vitin e fundit të studimeve. Dëshira për të mësuar më shumë për fushën e IT më ka shtyrë që të kërkoj më tepër dhe të studioj më shumë, që sot të hedh hapa më të sigurt në karrierën time.

Pse zgjodhët Brainster dhe akademinë tonë të programimit Front-End?

Të zgjedhësh Brainster ishte një nga vendimet më të mira që kam marrë dhe fiks në kohën e duhur. Kisha nevojë per leksione shtesë dhe të praktikoja njohuritë që kisha dhe pse jo të fitoja aftësi të reja në gjuhe të reja programimi . Programimi front-end më ka pëlqyer gjithmonë dhe pasi u njoha me platformën e Brainster u binda që po bëja zgjedhjen e duhur me gjithë mundësite e tjera që ishin në treg.

A jeni përballur me ndonjë sfidë gjatë kohës qe jeni student në akademi, dhe në qoftë se po, si keni arritur t’i tejkaloni?

Sfida më e madhe për mua ka qenë menaxhimi i kohës. Angazhimi im muajt e fundit ka qenë shkolla dhe akademia Brainster. Ja kam dalë me sukses të jem në krye të leaderboard-it te Brainster dhe ta mbyll vitin shkollor me nota shumë të larta në universitet. Kjo falë përkushtimit dhe ndihmës qe akademia kishte tek formimi im. Sa herë kam patur pyetje profesorët dhe shokët e rinj ne Brainster kanë qenë aty për të më ndihmuar dhe për këtë jam shumë falenderuese.

Nëse ju kërkojmë të përshkruani Akademinë tonë Front-End në një fjali, çfarë do të thuani?

Rrugëtim i gjatë po me gjurmë shumë të rëndësishme në formimin e karrieres time.

Jashtë akademisë, çfarë ju pëlqen të bëni në kohën tuaj të lirë? A keni ndonjë hobi?

Kohën e lirë, atëherë kur nuk po merrem me programim, e shpenzoj me familjen dhe njerëzit e zemrës. Kam shumë hobi dhe çdo ditë zbuloj diçka të re, por programimi është ajo që dua më shumë!

Cilat janë synimet e juaja pasi të mbaroni Akademinë Brainster?

Synimet e mia janë të qarta. Po punoj shumë që të kem të ardhmen dhe karrierën që dua. Në përfundim të akademisë synoj të kem arritje po kaq të larta dhe të jem gati për tu punësuar. 

Kam akoma një rruge të gjatë,por shumë të bukur !

Së bashku me 10 kompani po japim 100 kupona nga 1000 euro për Akademinë e Programimit Front End. Aplikoni tani për kuponin tuaj dhe bëhuni student në akademinë tonë.