Njihuni me Erli Kotorri – Studente e muajit në Akademinë e Programimit Front-End për muajin shkurt 2024.

Emri dhe mbiemri: Erli Kotorri

Profesioni: Studente

Përshëndetje Erli! Edhe pse ne në Brainster ju njohim, a mund të prezantoni veten për lexuesit tanë?

Përshëndetje, unë jam Erli Kotorri, jam 20 vjeçe dhe jam studente në Inxhinieri Informatike. Duke qenë se profesioni im është më shumë i bazuar në programim, vendosa që të thelloja njohuritë e mia edhe në Front-End nëpërmjet kësaj akademie.

Erli, fillimisht, urime për shpalljen tuaj si studente e muajit për Shkurt 2024. A mund të ndani me ne se çfarë ju ka motivuar për të arritur këtë?

Më ka motivuar pasioni për programimin dhe design-in, dëshira për të përmirësuar vazhdimisht aftësitë e mia dhe mbështetja e vazhdueshme e instruktorëve dhe e juaja. 

A jeni përballur me ndonjë sfidë gjatë akademisë, dhe në qoftë se po, si keni arritur t’i tejkaloni?

Për mua Front-End nuk ka qenë një fushë e panjohur, dhe deri tani nuk jam përballur me ndonjë sfidë. Gjithashtu punimi dhe përgatitja e ushtrimeve gjatë kësaj kohe më ka ndihmuar që të mos kem vështirësi.

Cilat janë mendimet e juaja përgjithësisht për kurrikulën e Akademisë deri tani?

Kurrikula e akademisë është shumë mirë e strukturuar, me instruktorë shumë të aftë dhe një program gjithëpërfshirës që plotëson çdo nevojë për të mësuar në mënyrë efektive.

Nëse ju kërkojmë të përshkruani Akademinë tonë Front-End në një fjali, çfarë do të thuani?

Akademia ofron një program të përshtatshëm për të zhvilluar aftësi mjaft të mira për Front-End Development.

Jashtë akademisë, çfarë ju pëlqen të bëni në kohën tuaj të lirë? A keni ndonjë hobi?

Jashtë akademisë, në kohën time të lirë, preferoj të lexoj libra dhe të shoh shumë filma.

Ku e shihni veten në të ardhmen?

Në të ardhmen e shoh veten si Inxhiniere dhe një zhvilluese e aftë në Front-End duke punuar me projekte reale dhe duke mësuar vazhdimisht të qëndroj e përditësuar me trendet dhe teknologjitë e reja të industrisë.

Për shkak të interesit të madh, aplikimet për Bursat Brainster janë hapur sërish.

Vendet për regjistrim në Akademi janë të limituara dhe janë duke u plotësuar shumë shpejt.

Pra, mos hezitoni! Aplikoni tani dhe hidhni hapin e parë drejt një prej karrierave më të paguara në botë.