Viti 2023 ishte fillimi i rrugëtimit për Brainster Albania i mbushur me sfida por edhe i mrekullueshëm për ekipin tonë. Me përfundimin e vitit 2023, tani është koha të tregojmë arritjet, novacionin dhe iniciativat transformuese që përcaktuan kahun e Brainster Albania gjatë vitit të kaluar.
Le të eksplorojmë me hollësi ngjarjet kyçe që e bënë vitin 2023 një kapitull të veçantë në historinë tonë.
- Lancimi i organizatës tonë – Brainster Albania
Përshëndetje Shqipëri, ne jemi Brainster!
Viti 2023 shënon lancimin e Brainster Albania dhe fillimin e një epoke të re në IT, arsimin lokal. Brainster është një organizatë e themeluar në vitin 2015 nga sipërmarrësi dhe novatori Petar Ninovski. Pas 7 viteve punë të suksesshme në Maqedoni, organizata jonë hapi zyrat në Shqipëri me një mision që të mundësojmë arsim cilësor për profesionet më të kërkuara të shekullit të 21-të në tregun shqiptar. Lancimi i Brainster Albania shënonte fillimin e një kërkese vizionare për të pajisur personat me shkathtësitë e nevojshme për të marrë pjesë në botën digjitale që evoluon vazhdimisht.
- Lancimi i Akademisë Front-End
Në thelb të misionit tonë ndodhet një përkushtim për të mbyllur hendekun midis arsimit dhe kërkesave të industrisë. Promovimi i Akademisë Front-End ishte një hap shumë i rëndësishëm drejt këtij qëllimi, duke ofruar një kurrikulë bashkëkohore për të formuar programuesit aspirantë për të qenë zhvillues të aftë Front-End.
- U mbajt Webinari me Znj. Brunilda Dosti – Pse është një ide e mirë të fillosh një karrierë në programimin Front-End?
Shpërndarja e dijes është një vlerë e organizatës tonë. Duke konsideruar këtë, më datë 10 Gusht 2023 ne organizuam një webinar të jashtëzakonshëm me Znj. Brunilda Dosti e cila është një eksperte në fushën e programimit Front-End dhe gjithashtu instruktore në Akademinë tonë. Në këtë webinar, u diskutuan shumë aspekte rreth programimit Front-End, avantazhet e kësaj fushe, sfidat, çfarë duhet të dijë një programues Front-End etj.
- Morëm pjesë në panairin Future2tech – Novacion, edukim dhe teknologji
Më 21-22 shtator, ne ishim pjesëmarrës në panairin Future2tech. Në këtë panair, nisëm një udhëtim emocionues me fokus në arsim, teknologji dhe novacion. Qëllimi ynë ishte të prezantonim Brainster si një organizatë, të prezantonim stendën tonë dhe të ndanim vlerat tona kryesore.
Pjesëmarrja në Panairin Future2tech ishte më shumë se një ekspozitë; ishte një deklaratë e angazhimit tonë për të qëndruar në krye të arsimit, novacionit dhe teknologjisë. Panairi ofroi një mundësi për të krijuar lidhje me kompani të ndryshme, eksploruar bashkëpunime dhe kontribuar në formimin e të ardhmes së teknologjisë.
- Prezantuam instruktorët tanë të Akademisë së programimit Front-End
Prapa akademisë dhe studentëve tanë të suksesshëm është një grup profesorësh të përkushtuar dhe me përvojë. Secili nga instruktorët tanë është ekspert në fushën e tij me përvojë pune shumë vjeçare, prandaj ne kishim nderin t’i prezantojmë instruktorët e Akademisë së Programimit Front-End: Brunilda Dosti, Sara Makishti, Erland Muçhasaj dhe Emanuel Zhupa.
- Prezantuam modulet e programit të Akademisë
Një element kryesor i qasjes sonë mësimore janë modulet e përgatitura me kujdes. Secili modul u shqyrtua me përpikmëri, duke formuar një kurrikulë të dizajnuar me kujdes për të ofruar një eksperiencë dhe metodologji të re të mësimit. Kurrikula në akademinë tonë bazohet në projekte reale që do të thotë në punën praktike. Për çdo modul studentët kanë workshop’e të ndryshme që i përgatit ato për punë në jetën reale.
- Fushata për Bursat Brainster
Duke ditur rëndësinë e përfshirjes në arsim, vitin e kaluar me krenari prezantuam Bursat Brainster, një program bursash i projektuar për të bërë arsimin cilësor të jetë i arritshëm për individë të talentuar, pavarësisht nga rrethanat financiare. Bursat Brainster ishin të hapur për më shumë se një muaj dhe interesimi ishte jashtëzakonisht i madh.
- Regjistruam më shumë se 40 studentë dhe organizuam Ditën Prezantuese për dy grupet e para
Në vitin tonë të parë në Shqipëri, kishim një fillim të shkëlqyer duke regjistruar mbi 40 studentë në Akademinë Front-End. Ata zgjodhën arsimin cilësor, synuan një karrierë të re dhe hodhën një hap drejt suksesit. Më 1 dhjetor 2023, nisëm Akademinë Front-End me një Ditë Prezantuese. Ishte një ditë e veçantë për të krijuar lidhje me studentët tanë dhe instruktorët. Studentët ishin të emocionuar të takonin njëri-tjetrin dhe ekipin tonë, duke krijuar një atmosferë pozitive mësimore. Ne u urojmë suksese studentëve tanë!
Si përfundim, siç i thamë lamtumirë vitit 2023, tani jemi shumë entuziastë për vitin 2024! Ne si Brainster Albania, vazhdojmë të mbetemi të përkushtuar ndaj misionit tonë për të ofruar arsim cilësor dhe për të krijuar një komunitet të edukuar dhe me aftësi të nevojshme për industrinë IT . Ne dëshirojmë të përmirësojmë arsimin, të ndihmojmë më shumë njerëz të bëjnë tranformim të karrierës dhe të kontribojmë në sektorin IT të Shqipërisë.
Nëse dëshironi të jeni pjesë e komunitetit Coding dhe të ndërtoni histori të reja suksesi me ne, zbuloni më shumë rreth Brainster Akademia e Programimit Front-End.
Në Akademinë e Programimit Front-End mësoni nëpërmjet projekteve reale për klientë të vërtet nën mentorimin e instruktorëve me përvojë të dëshmuar.
Cakto një takim me menaxherin tonë të suksesit të studentëve për më shumë udhëzime dhe hollësi rreth programit!
